|
Innova.- Encontro entre Investigadores universitarios buscarán investidores e socios para proxectos |
 |
 |
|
Luns, 10 Decembro 2007 19:01 |
 Investigadores das universidades galegas presentarán case unha decena de proxectos no 'I Encontro entre investidores e emprendedores universitarios' que terá lugar o próximo 12 de decembro no Club Financeiro, no que buscarán financiamento e socios estratéxicos para levalos a cabo.
Trátase de nove proxectos, dos cales oito presentanse a través da empresa Concepto, especializada en materializar proxectos orixinados nos departamentos de investigación das diferentes universidades. A outra das iniciativas parte dun grupo de enxeñeiros asentados en Vigo e ten como finalidade a reutilización enerxética integral da biomasa forestal.
Os proxectos de Concepto van desde a realización de probas clínicas de tipo bioquímico e xenético; traballos de seguridade documental; a produción e comercialización de produtos lácteos; o procesado, simulación e análise dos sinais de Resonancia Magnética Nuclear; ata aplicacións de nanotecnoloxía. Todos eles cun importante contido tecnolóxico.
O responsable do Foro de Iniciativas e Negocios do Club Financeiro de Vigo, Pelayo Novoa, explicou que a finalidade deste encontro é promover a actividade emprendedora que nace nos departamentos de investigación das universidades. Así mesmo, afirmou que os proxectos que se presentarán requiren, como media, un investimento de 300.000 euros cada un.
O portavoz da empresa Concepto, Roberto Graña, destacou que Galicia lidera o ranking de comunidades que desenvolveron iniciativas empresariais a partir de investigacións das universidades. "O máis importante é que os científicos saiban que se poden materializar os seus anos de investigación", concluíu.
Ler noticia en Europapress.
|
