A Asociación Galega de Empresas TIC, AGESTIC, promove a I Edición dos Premios INNOVA-G 2010, destinados ás PEMES galegas que están aplicando e desenvolvendo técnicas, metodoloxías, ferramentas e boas prácticas nos eidos da innovación e a competitividade, incorporando ó modelo de negocio tradicional o modelo dixital 2.0.

As empresas interesadas poderán presentar a súa candidatura ata o próximo 8 de outubro para optar ós 2 premios que se concederán por categoría cos votos dos internautas e un xurado especializado.

As 11 categorías ás que se poden presentar as empresas interesadas son:

• Mellor idea de negocio 2.0: premio á mellor Start-up galega.
• Mellor emprendedor/a galego/a 2.0
• Mellor campaña social media
• Mellor iniciativa de apoio á innovación
• Mellor desenvolvemento 2.0
• Mellor aplicación para dispositivos móbiles
• Mellor solución tecnolóxica móbil
• Mellor deseño para todos
• Mellor desenvolvemento centrado nos cidadáns
• Mellor desenvolvemento de RSE
• Mellor desenvolvemento audiovisual en Internet

Os premios están cofinanciados polo IGAPE - Xunta de Galicia Consellería de Economía e Industria, e coa colaboración institucional da Xunta de Galicia - Dirección Xeral de Promoción e Emprego e a Universidade de Vigo - Escola Superior Enxeñería Informática Ourense