O pasado 22 de xuño tivo lugar a Xornada de selección de proxectos a presentar no I Encontro Vindeira Capital Network que organizan o Cluster TIC de Galicia e a Plataforma Tecnolóxica Galega do TIC Vindeira.

Os organizadores, agradecidos pola boa acollida da iniciativa (20 proxectos presentados), destacaron o esforzo dos emprendedores galegos así como a calidade dos proxectos presentados. Os criterios empregados polo Comité de Evaluacion de proxectos centráronse en identificar a adecuación dos proxectos ás características de proxecto esperadas polos investidores que asistirán ao evento.

En base a ésto, o Comité de Avaliación decidiu finalmente ampliar de 6 a 8 o número de ideas a presentar directamente polos seus promotores no evento, abrindo ademais a outro grupo de proxectos a posibilidade de ser presentados aos investidores a través dun book e unha presentación rápida a cargo de Vindeira.

Así mesmo, cabe destacar que desde o Grupo de Traballo de Emprendedores crearase un foro do que todos os emprendedores galegos poderán formar parte co fin de facilitar o desenvolvemento dos proxectos empresariais TIC en Galicia.

O vindeiro luns lanzarase a páxina web do evento e habilitarase unha canle en Twitter desde os que se poderán seguir puntualmente todos os detalles do I Encontro Vindeira Capital Network.