|
Presentación de Neurona en Europa |
 |
 |
|
Mércores, 10 Decembro 2008 17:11 |
 O pasado día 3 de decembro a Dirección Xeral de Investigación, Desenvolvemento e Innovación, presentou oficialmente en Bruxelas a Rede de Plataformas Tecnolóxicas Galegas Neurona ante os principais organismos públicos e axentes europeos relacionados coa Investigación, Desenvolvemento e Innovación.
Na presentación, o Director Xeral de I+D+i, Salustiano Mato de la Iglesia estivo acompañado por representantes da Plataforma TIC Vindeira (presidida por Antonio Rodríguez del Curral), Agroalimentaria (co seu vicepresidente Lorenzo Pastrana) e de Biotecnoloxía (representada por María Isabel Louza). Durante a presentación de Salustiano Mato ante o director xeral de Investigación e Desenvolvemento da Comisión Europea, Xosé Manuel Silva, explicou que o obxectivo de Neurona é "aumentar a capacidade innovadora de Galicia, transformando o coñecemento científico en valor económico engadido" e situar a nosa comunidade nunha boa situación para beneficiarse dos plans da UE para investir na recuperación da economía europea.
Neurona agrupa actualmente a 17 Plataformas Tecnolóxicas estratéxicas que mobilizan 81 millóns de euros en proxectos.
Os representantes das tres Plataformas explicaron que seguindo as Axendas Estratéxicas de Investigación redactadas por cada organismo están a crearse grupos de traballo con empresas, universidades e centros tecnolóxicos.
Durante a Xornada o presidente de Vindeira, Antonio Rodríguez del Corral realizou unha presentación sobre a actividade de Vindeira (PPT, 599 KB).
Vídeo "A Consellería de Innovación presenta a rede 'Neurona' en Bruxelas" (TVG Telexornal Mediodía, 3.12.2008, 14:49).
Descargar dossier de noticias (PDF, 705 KB).
|
