Grupo de Traballo Tecnoloxías de Información Xeográfica

Os sistemas de información xeográfica (SIX ou GIS no seu acrónimo en inglés) teñen cada vez un papel máis protagonista na vida cotidiá, grazas á popularización de ferramentas de uso masivo e ó alto grado de penetración dos dispositivos móbiles e gps na sociedade, que fan que aumenten exponencialmente os usuarios que potencialmente poden xerar e consumir este tipo de información.

Isto trasládase a unha maior demanda de servizos GIS, e a un maior interese por parte das empresas e administracións públicas en mellorar, armonizar e promover a difusión de datos.

O grupo de traballo márcase como obxectivos:

• Promover e poñer en común coñecementos e capacidades dos participantes para o desenvolvemento conxunto de proxectos de I+D+i relacionados cos GIS.
• Estudar a adopción en fase temperá dos estándares OGC que permitan unha alta interoperabilidade entre proxectos.
• Fomentar accións formativas que melloren o perfil dos profesionais no eido dos GIS.
• Fomentar accións divulgativas que promovan as vantaxes e o caracter transversal dos GIS no resto de sectores.